ಕನಸು ಹೊತ್ತ  ಮಳೆ......
ಮಳೆಹನಿಗಳು ಸುರಿದ್ಯಾವೆ ನೋಡು
ಎಲ್ಲರ ಯೆದೆಯದು ಹರುಷದ ಬೀಡು
ಮಳೆಗಾಗಿ ಕಾದಿಹ ಚಿಲಿಪಿಲಿ ಹಕ್ಕಿಗಳ ಪಾಡು
ನೆರವೇರಿದೆ ಇಂದು ನೋಡು ....
      ರೈತರು ಕಾದಿಹರು ಮಳೆಯ ಬರುವಿಕೆಗೆ
      ಹಸಿರ ತೆನೆಗಳ ನೋಡಲು ಕಾದಿಹರು ಇಲ್ಲಿ
      ಇಂದು ಬಿರುಸಲಿ ಸಾಗಿದೆ ಅವರ ಕಾರ್ಯ
ಅಮ್ಮನ ಕೈಯಲ್ಲಿ ಹಿರಿದಾದ ಬೆತ್ತ
ಅದ ಮರೆತು ಸಾಗಿದೆ ಮಕ್ಕಳ ಆಟ
ಸಾಗುತಿದೆ ಅಲ್ಲಲ್ಲಿ ಕಾಗದದ ದೋಣಿ
ಗುರಿ ಮರೆತು ಸಾಗಿದೆ ಅನಂತದೆಡೆಗೆ
      ಗಿಡ ಮರಗಳ ಸಂತಸವ ನೋಡು
      ಕಪ್ಪಿಟ್ಟ ಮೋಡಗಳ ಕಂಡು
      ನವಿಲ ನರ್ತನವೂ ಸಾಗಿದೆ

ಬಂದೆ ಬಿಟ್ಟಿದೆ ಕನಸು ಹೊತ್ತ ಮಳೆ
                   ಕನಸುಗಳ ಸಾಕಾರಗೊಳಿಸಲು...